Ички ишлар вазирлигида шахсий таркиб бўйича буйруқ қабул қилинди ва бир қатор лавозим тайинловлари амалга оширилди. Бу ҳақда вазирлик ахборот хизмати хабар қилган.
Подполковник Ғаниев Ғайрат Аҳмаджонович Наманган вилояти Наманган шаҳар ИИО ФМБ бошлиғи лавозимига тайинланган. У тайинловга қадар Уйчи туман ИИБ бошлиғи лавозимида хизмат қилган.
Яна бир подполковник Хўжахонов Авазбек Эргашевич эса Ғ.Ғаниев ўрнига Наманган вилояти Уйчи тумани ИИБ бошлиғи лавозимига тайинланди. А.Хўжахонов аввал Наманган шаҳар ИИО ФМБ бошлиғи лавозимида хизмат қилган.
Аввал Марғилон шаҳар ИИБ бошлиғи лавозимида ишлаган подполковник Нажимитдинов Бахтиёр Раҳимович Фарғона вилояти Ўзбекистон тумани ИИБ бошлиғи лавозимини эгаллади.
Подполковник Ашуров Алишер Анваржонович Фарғона вилояти Марғилон шаҳар ИИБ бошлиғига айланди. А.Ашуров Учкўприк тумани ИИБ бошлиғи лавозимида хизмат қилиб келаётганди.
Аввал 2020 йил 14 июлда Ўзбекистоннинг тўрт ҳудудида янги ИИБ бошлиқлари иш бошлаши, хусусан, Андижон шаҳри бўйича ички ишлар органлари фаолиятини мувофиқлаштириш бошқармасига янги бошлиқ тайинлангани ҳақида хабар қилинганди.
Изоҳ (0)