Ўзбекистон 2020 йилнинг январь—июль ойларида республикада автомобиль бензини ишлаб чиқариш ҳажми 2019 йилнинг шу даврига нисбатан кўпайди. Бу ҳақда Давлат статистика қўмитаси хабар қилди.
Маълум қилинишича, 2019 йилнинг шу даврида 595,1 минг тонна бензин ишлаб чиқарилган бўлса, 2020 йилда эса 610,6 минг тонна ишлаб чиқарилган.
Дизель ёқилғисини ишлаб чиқариш ҳажмида пасайиш кузатилгани таъкидланган. 2019 йилда 626,4 минг тонна дизель ишлаб чиқарилган бўлса, 2020 йилда бу кўрсаткич 580,4 минг тоннага тенг бўлган.
Шу билан бирга, Ўзбекистон 2020 йил январь—июль ойларида нефть қазиб олишни 2019 йилнинг шу даврига нисбатан (407,7 минг тонна) 422 минг тоннагача оширган.
Мамлакатда 2020 йил январь—июль ойларида табиий газ қазиб олиш 28,9 миллиард куб метрни ташкил этди, бу 2019 йилнинг шу даврига нисбатан кам (35,2 миллиард куб метр).
Ўзбекистон 2020 йил январь—июль ойларида 835,6 минг тоннадан ортиқ газ конденсати қазиб олди, бу 2019 йилнинг шу даврига нисбатан кам (1,22 миллион тонна).
Изоҳ (0)