Тошкент шаҳар Юнусобод туманидаги 15-мавзеда 20 август, пайшанба куни газ таъминоти вақтинча ўчирилади. Бу ҳақда туман ҳокимлиги матбуот хизмати хабар берди.
Маълум қилинишича, 20 август куни Аҳмад Дониш кўчасида жойлашган Free Transport МЧЖ объектида паст босимли ерости газ қувурини ҳаракатдаги газ қувурига улаш ишлари амалга оширилади.
Шу муносабат билан, Юнусобод тумани 15-мавзесидаги 10 та кўп қаватли уйнинг 320 та хонадони соат 09:00 дан соат 18:00 га қадар табиий газ таъминотидан вақтинча узилади.
«Ҳудудгаз Пойтахт» корхонаси етказилаётган ноқулайликлар учун аҳоли ва газ истеъмолчиларидан узр сўрайди.
Аввалроқ Юнусободдаги Аҳмад Дониш ҳамда Янгишаҳар кўчалари кесишмасидаги чорраҳа 94 метргача кенгайтирилгани ҳақида хабар берилганди.
Изоҳ (0)