Монополияга қарши курашиш қўмитаси томонидан UzAuto Motors АЖда «Рақобат тўғрисида»ги қонун талаблари бузилиши бўйича қўзғатилган ишнинг давоми бугун кўриб чиқилди. Бу ҳақда Олий Мажлис депутати Дониёр Ғаниев ўзининг Telegram каналида маълум қилди.
Қўмитанинг махсус комиссияси томонидан ўтказилган текширувлар компания автомобиль нархларини асоссиз оширганини тасдиқлаган. Унга кўра автомобиллар нархи 3 миллион сўмдан 19 миллион сўмгача асоссиз оширилгани аниқланган.
Шунга кўра, комиссия UzAuto Motors АЖга 19 августдан бошлаб нархларнинг асоссиз оширилган қисмини бекор қилиб, автомобилларни камайтирилган нархларда сотиш бўйича кўрсатма берди. Шунингдек, март ойидан буён, яъни янги асоссиз оширилган нархларда автомобилларни сотиб олган мижозлар билан қайта ҳисоб китоб қилиш топшириғи берилди.
Депутатнинг эслатишича, комиссия қарори мажбурий кучга эга. Лекин компания комиссия қароридан норози бўлса, судга бериши ва жараён ҳали давом этиши ҳам мумкин.
Изоҳ (0)