Наманган вилояти Поп туманида «ЗИЛ» ва Nexia автомашиналари иштирокида ЙТҲ содир бўлди. Натижада автомашиналардан бирининг ҳайдовчиси тан жароҳати олиб вафот этди, дея хабар бермоқда ИИВ ЙҲХББ ахборот хизмати.
Маълум қилинишича, 2020 йилнинг 18 август куни соат 09:00 ларда Наманган вилояти, Поп тумани ҳудудидан ўтувчи 4Р-112 Фарғона ҳалқа автомобиль йўлининг 22-километрида 1986 йилда туғилган ҳайдовчи Ш.А. Nexia русумли транспорт воситаси тезлигини меъёридан оширган ҳолда бошқараётиб, қарама-қарши йўналишга ўтиб кетган.
Оқибатда қаршисидан ҳаракатланиб келаётган 1966 йилда туғилган ҳайдовчи М.Т. бошқарувидаги «ЗИЛ-130» русумли юк автомашинаси билан тўқнашиб, ЙТҲ содир этган.
Тўқнашув натижасида Nexia ҳайдовчиси 34 ёшли Ш.А. оғир тан жароҳатлари олиб воқеа жойида вафот этган.
Мазкур ЙТҲ юзасидан Поп тумани ИИБ ҳузуридаги Тергов бўлими томонидан дастлабки тергов ҳаракатлари олиб борилмоқда.
Мавзуга доир:
- Олмалиқда ҳайдовчилик гувоҳномаси бўлмаган 19 ёшли йигит Nexia’ни катта тезликда бошқариб, Damas’га урилди (видео)
- Мирободда маст ҳайдовчи бошқарувидаги Spark’нинг бетон тўсиққа урилиши йўловчининг ўлимига сабаб бўлди
- Сурхондарёдаги ЙТҲда 6 киши ҳалок бўлди. Қурбонларнинг энг кичиги 2 ойлик чақалоқ
- Тошкентда Nexia постни бузиб ўтиб, ЙПХ ходимини уриб юборди. ЙТҲда учта машина зарар кўрган (видео)
Изоҳ (0)