Футбол бўйича Европа Чемпионлар Лигасининг ярим финалида «Лейпциг» ва ПСЖ жамоалари 18 август, сешанба куни ўзаро баҳс юритди.
Учрашув парижликларнинг қатор ҳужумлари билан бошланди. 13-дақиқада Маркиньос жарима зарбасидан узатиб берилган тўпни боши билан дарвозага жойлаб қўйди.
Биринчи бўлим якунланиши арафасида немислар дарвозабонининг хатосидан кейин қарши ҳужумига ўтган ПСЖ футболчилари иккинчи голни урди: Анхель ди Мария Неймарнинг заргарона узатмасидан кейин яқин масофадан дарвозани ишғол қилди.
Иккинчи бўлим дебютида Хуан Бернат ҳисобни йирик кўринишга олиб келди. Қолган вақтда парижликлар ўйинни назорат қилди ва шу ҳисоб ўйин якунига қадар сақланиб қолди.
Шу тариқа ПСЖ финал йўлланмасини қўлга киритди ва ҳал қилувчи баҳсда «Лион» — «Бавария» учрашуви ғолиби билан ўйнайди.
ЕЧЛ
Ярим финал баҳси
18 август, сешанба
«Лейпциг» Германия — ПСЖ Франция 0:3
Голлар: 0:1 – 13 Маркиньос, 0:2 – 42 Ди Мария, 0:3 – 56 Бернат.«Лейпциг»: Гулачи, Анхелинё, Упамекано, Мукиеле, Клостерманн (Орбан, 82), Лаймер (Хальстенберг, 62), Забитцер, Кампл (Адамс, 64), Олмо (Шик, 46), Нкунку (Форсберг, 46), Поульсен.
ПСЖ: Рико, Бернат, Кимпембе, Тиаго Сильва, Маркиньос, Паредес (Дракслер, 83), Эррера (Верратти, 83), Ди Мария (Сарабия, 87), Керер, Мбаппе (Шупо-Мотинг, 86), Неймар.
Огоҳлантиришлар: Кимпембе (45), Лаймер (61), Хальстенберг (79), Поульсен (79).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)