Мюнхеннинг «Бавария» клуби ирқчиликда айбланган академия мураббийини истеъфога чиқариб юборди.
Клуб матбуот хизматининг маълум қилишича, номи ошкор этилмаган мутахассис билан ўзаро келишувга кўра шартнома бекор қилинган.
Мураббий ирқчилик ва бошқа камситувчи сўзларни қўллаганликда айбланган. Унга нисбатан полиция томонидан тергов иши қўзғатилган. Аввалига мураббий бу айбловларни инкор этган, бироқ кейинчалик ўз айбини тан олган.
Der Spiegel хабарига кўра, мураббий «Бавария»нинг 2003 йилда туғилган футболчиларига мураббийлик қилган. У 2006 йилдан буён болалар ва ўсмирлар билан ишлаб келган.
Эслатиб ўтамиз, «Бавария» Чемпионлар Лигаси чорак финалида «Барселона»ни 8:2 ҳисобида таслим этиб, мусобақа ярим финалига йўл олди. Жамоа 19 августдан 20 августга ўтар кечаси «Лион»га қарши ўйнайди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)