«Барселона» матбуот хизмати жамоа спорт директори Эрик Абидалнинг кетишини маълум қилди.
Томонлар ўзаро келишувга кўра амалдаги шартномани бекор қилган. Франциялик мутасадди 2018 йилдан буён каталонлар клубида директор лавозимида ишлаб келаётганди.
Аввалроқ «Барселона» жамоа бош мураббийи Кике Сетьеннинг истеъфосини эълон қилганди.
Эслатиб ўтамиз, Абидал йил аввалида жамоа етакчилари, хусусан, Месси билан яхши муносабатда эмаслиги ҳақида хабарлар тарқалганди. Шунингдек, Эрик «Бавария»га учралган 2:8 ҳисобидаги мағлубиятдан кейин ҳам Кике Сетьенни қўллаб-қувватлаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)