Футбол бўйича Coca-Cola Суперлига 10-тури доирасида «Қизилқум» ва «Бухоро» жамоалари 18 август, сешанба куни ўзаро баҳс юритди.
Учрашув тенг курашлар остида ўтди. Иккинчи бўлим дебютида навоийликлар легионери Иброҳим Томива пенальти ишлаб олди. 11 метрлик жарима зарбасини жабрланувчининг ўзи аниқ амалга оширди. Мазкур гол амалда ўйин тақдирини ҳал қилди.
Шу тариқа «Қизилқум» 10-турга келиб жорий мавсумдаги илк ғалабасини қўлга киритди. Бунга қадар жамоа ортда қолган 9 турда иккита дуранг ва етти мағлубият қайд этганди.
Мазкур ғалабадан кейин «Қизилқум» очколарини 5 тага етказиб олди ва 13-ўринга кўтарилди. «Бухоро» (3) эса ғалабасиз сериясини давом эттирган ҳолда сўнгги ўринга равона бўлди.
Coca-Cola Суперлига
10-тур баҳси
«Қизилқум» — «Бухоро» 1:0
Гол: 1:0 – 49, пенальти Томива.«Қизилқум»: Игнатий Нестеров, Владислав Касминин, Ойбек Қиличев, Эркин Байдуллаев, Алишер Саноев, Жасур Азимов (Суннатилла Абдуллажонов 73) , Муҳсин Убайдуллаев, Шерали Жўраев, Иброҳим Томива (Салим Мустафоев 83), Олег Толмасов, Достон Ибрагимов (Қадамбой Нурметов 31).
«Бухоро»: Зафар Сафаев, Миржалол Жумаев, Бобер Аманов, Анвар Жўраев, Жасур Ҳакимов (Шаҳзод Бешимов 75), Зоҳир Пиримов (Иззатилла Абдуллаев 70), Жасур Ҳасанов, Бекзод Саидов (Суҳроб Неъматов 61), Эргаш Исмоилов, Азиз Амонов (Беҳруз Саъдуллоев 70), Солибек Каримов.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)