Ўзбекистонда 22 августдан бошлаб шаҳарлараро электропоездлар қатнови қайта тикланади. Бу ҳақда «Ўзбекистон темир йўллари» компанияси маълум қилди.
Компания томонидан хабар берилишича, 22 августдан бошлаб қуйидаги электропоездлар қатнови қайта йўлга қўйилади:
- 6440-сонли Ҳожикент—Ўзбекистон;
- 6442-сонли Ҳожикент—Тошкент;
- 6429-сонли Тошкент—Ҳожикент;
- 6430-сонли Ҳожикент—Тошкент;
- 6435-сонли Тошкент—Ҳожикент;
- 6436-сонли Ҳожикент—Тошкент;
- 6437-сонли Тошкент—Ҳожикент;
- 6441-сонли Тошкент—Ҳожикент;
- 6414-сонли Тошкент—Гулистон;
- 6413-сонли Гулистон—Тошкент;
- 6418-сонли Тошкент—Сирдарё;
- 6407-сонли Сирдарё—Тошкент.
Қўшимча маълумотни Тошкент шаҳридаги 1005 қисқа телефон рақами, жойлардаги темир йўл кассалари ҳамда маълумотлар бюросидан олиш мумкин.
Эслатиб ўтамиз, Республика махсус комиссиясининг қарори билан 15 августдан бошлаб мамлакат ҳудудлари ўртасидаги темир йўл қатновига рухсат берилди.
Аввалроқ 20 августдан бошлаб маҳаллий йўналишларда қатновчи бир қатор йўловчи поездлар қатнови қайта тикланиши ҳақида маълум қилинганди.
Шунингдек, «Афросиёб» поездлари Тошкент—Самарқанд—Бухоро—Тошкент, Тошкент—Самарқанд—Қарши—Тошкент йўналишида қатнай бошлаши ҳамда Тошкент—Андижон—Тошкент йўналишида 2 та йўловчи поезди қатнови йўлга қўйилиши ҳақида хабар берилганди.
Изоҳ (0)