O‘zbekistonda 22-avgustdan boshlab shaharlararo elektropoyezdlar qatnovi qayta tiklanadi. Bu haqda “O‘zbekiston temiryo‘llari” kompaniyasi ma’lum qildi.
Kompaniya tomonidan xabar berilishicha, 22-avgustdan boshlab quyidagi elektropoyezdlar qatnovi qayta yo‘lga qo‘yiladi:
- 6440-sonli Hojikent—O‘zbekiston;
- 6442-sonli Hojikent—Toshkent;
- 6429-sonli Toshkent—Hojikent;
- 6430-sonli Hojikent—Toshkent;
- 6435-sonli Toshkent—Hojikent;
- 6436-sonli Hojikent—Toshkent;
- 6437-sonli Toshkent—Hojikent;
- 6441-sonli Toshkent—Hojikent;
- 6414-sonli Toshkent—Guliston;
- 6413-sonli Guliston—Toshkent;
- 6418-sonli Toshkent—Sirdaryo;
- 6407-sonli Sirdaryo—Toshkent.
Qo‘shimcha ma’lumotni Toshkent shahridagi 1005 qisqa telefon raqami, joylardagi temiryo‘l kassalari hamda ma’lumotlar byurosidan olish mumkin.
Eslatib o‘tamiz, Respublika maxsus komissiyasining qarori bilan 15-avgustdan boshlab mamlakat hududlari o‘rtasidagi temiryo‘l qatnoviga ruxsat berildi.
Avvalroq 20-avgustdan boshlab mahalliy yo‘nalishlarda qatnovchi bir qator yo‘lovchi poyezdlar qatnovi qayta tiklanishi haqida ma’lum qilingandi.
Shuningdek, “Afrosiyob” poyezdlari Toshkent—Samarqand—Buxoro—Toshkent, Toshkent—Samarqand—Qarshi—Toshkent yo‘nalishida qatnay boshlashi hamda Toshkent—Andijon—Toshkent yo‘nalishida 2 ta yo‘lovchi poyezdi qatnovi yo‘lga qo‘yilishi haqida xabar berilgandi.
Izoh (0)