«Лацио» спорт директори Игли Таре «Манчестер Сити» собиқ ярим ҳимоячиси Давид Сильванинг «Реал Сосьедад»га ўтиб кетгани борасида ўз фикрини билдириб ўтди.
Давид Сильванинг «Реал Сосьедад»га йўл олгани ҳақида билдим. Уни ўйинчи сифатида жуда ҳурмат қиламан, аммо инсон сифатида эмас.Футболчининг отаси «Лацио» раҳбариятининг бу муносабати ҳақида фикр билдирди.Игли Таре, «Лацио» спорт директори
Кўплаб клублар қатори «Лацио» ва «Реал Сосьедад» билан ҳам музокаралар ўтказилди, бироқ ўғлим «Сосьедад» вариантини танлади. Римликлар билан ҳеч қандай келишув бўлмаганди, клубнинг бу реакцияси Давидни ҳайрон қолдирди. Ҳар бир одам ўзи учун ўзи қарор чиқаришга ҳақли. «Лацио» агент билан музокара ўтказган, Давиднинг ўзи билан эмас. Шу сабаб улар нима учун Сильванинг инсонийлик хислатлари ҳақида гапираётганига тушунмаяпман. Унинг «Лацио» билан ҳеч қандай келишуви йўқ эди.Football Italia нашрининг хабар қилишича, «Лацио» раҳбарияти Сильванинг «Реал Сосьедад»га ўтиб кетганидан ғазабда. Таъкидланишича, футболчи римликлар билан шартнома имзолаш ва тиббий кўрикдан ўтиш борасида келишиб қўйган, бироқ кейинчалик қўнғироқларга жавоб бермаган.Давид Ҳименес, Давид Сильванинг отаси
Август ойи бошида «Лацио» 34 ёшли футболчига 3 йиллик шартнома ва йилига 3 миллион евро маош таклиф қилгани хабар қилинган, кейинчалик томонлар келишувга эришгани айтилганди.
Мавзуга доир: «Сиз доимо менинг қалбимда қоласиз». Давид Сильва «Манчестер Сити» билан мактуб орқали хайрлашди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)