Coca-Cola Суперлига 10-тури доирасида кечган «Машъал» — «Андижон» учрашувидан сўнг матбуот анжумани ўтказилди.
Дастлаб «Андижон» катта мураббийи Диёр Мирзабоев ўйин ҳақидаги фикрлари билан бўлишди.
Балки учрашувда «Машъал» кўпроқ ҳужум қилгандир, лекин биз ҳам қараб турмадик ва охиригача курашдик. Биринчи бўлиб гол урган жамоа ютиб кетадиган ўйин бўлди. Ҳар икки жамоада етарлича вазиятлар бўлди. Майдонда иккита тенг кучли жамоа ўзаро баҳс олиб борди деб ўйлайман.Бу ўйинга қўйилган тактика қанотдан ҳужум қилиш эди. Шу боис Жамшид Ҳасанов билан Дониёр Абдуманноповни қанотларга қўйдик. Улар тезлик эвазига ёрдам бериши керак эди. Лекин жамоамиз марказдан ҳам ўйнашни билади. Ҳар бир ўйин учун алоҳида тактика ишлаб чиқамиз.
Диёр Мирзабоев, «Андижон» катта мураббийи
Матбуот анжуманининг иккинчи қисмида «Машъал» катта мураббийи Дилявер Ваниев қатнашди.
Ўйин ҳақида гапиришдан олдин бизга стадион берган «Пахтакор» ва марказлашган чемпионатнинг кейинги ўйинлари бўлиб ўтадиган бошқа стадионлар раҳбариятига миннатдорчилик билдираман. ПФЛ хавфсизлик юзасидан ўйинларни шу ерда ўтказишни лозим топди. Бу қарорни ҳурмат қиламиз. Энди ўйинга келадиган бўлсам, уч очко қўлга кирита олмаганимиз жуда алам қилди. Ташаббус биз томонда бўла туриб юта олмаслик аламли. Мен Виктор Кумиковнинг («Андижон» бош мураббийи — изоҳ «Дарё») ўйин услубини яхши биламан ва шунга монанд ҳозирлик кўргандик. «Андижон» асосан стандарт вазиятлардан фойдаланишга қарор қилди, биз эса учта қулай имкониятни йўққа чиқардик. Камчиликлар устида ишлашда давом этамиз.«Андижон» ортда қолган ўнта турда олтита дуранг ва тўрт мағлубият билан 12-ўринда бормоқда. Жамоа 11-турда ОКМКга қарши баҳс олиб боради. «Машъал» эса 10-турдан кейин 10 очко тўплаган ҳолда 10-ўринда кетмоқда. Муборакликлар кейинги турда «Навбаҳор» билан ўйнайди.Нафақат ўйин охирида, балки учрашувнинг бошқа қисмларида ҳам ҳужумлардаги охирги пас етишмаслиги кўзга ташланди. Яқинда ижарадаги икки футболчимиз қайтди. Мен уларга вақт камлик қилди демоқчи эмасман. Фақат вазиятдан фойдаланиш футболчининг ўзида бўлиши керак. Катта йигитларга голни қандай уришни ўргатмайсиз-ку. Ҳеч қайси мураббий буни ўргата олмайди. Нима қилиб бўлса ҳам бу муаммони ечишимиз керак. Вазиятлар борлигидан хурсандман, лекин гол бўлмади, шундан хафаман.
Дилявер Ваниев, «Машъал» катта мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)