«Қўқон-1912» клуби бош мураббийи Бахтиёр Ашурматов Coca-Cola Суперлига 10-тури доирасида «Пахтакор»га қарши кечган ўйиндан (1:3) кейин ўз фикрлари билдириб ўтди.
Ҳозирги ҳолатимиздан келиб чиқсак ёмон ўйин кўрсатмадик деб ўйлайман. «Пахтакор» таркибида тажрибали ва маҳоратли футболчилар жамланган. Бу учрашувда муҳим ролни ўйнади. Рақиб маҳорат ва вазиятлардан фойдаланиш ҳисобига ғалаба қозонди. Мағлубиятга учраганимизга қарамасдан йигитлар охиригача курашди. Жанговар футбол намойиш қилди. Афсуски, биз вазиятлардан унумли фойдалана олмадик.«Қўқон-1912» 10-турга келиб 16 очко тўплаган ҳолда 7-ўринда бормоқда. Жамоа 11-турни «Локомотив»га қарши ўтказади.Омад етишмаяпти. Лекин, жамоа фақат учинчи голдан кейин ҳужумга ўтишни бошлади деган фикрга қўшилмаган бўлардим. Биринчи бўлиб «Пахтакор» дарвозаси олдида вазият яратдик, Сардор Азимовда имконият бўлди, Шоҳназар Норбеков вазият яратди. Биринчи гол бўлгунига қадар «Пахтакор» дарвозамиз олдида бирорта вазият яратгани йўқ. Стандарт вазиятдан урилган гол рақиб ғалабасини таъминлади. Яна бир нарсага эътибор беришларингни сўрардим, гарчи биз «Пахтакор» билан ўйнаган бўлсакда иккита ҳужумчи билан баҳсни бошладик. Бу жуда кам учрайдиган ҳолат ҳисобланади. Ҳар бир мураббийни ўз услуби бор. Аммо, кўп жамоалар «Пахтакор»га қарши битта ҳужумчи билан ўйнайди. «Пахтакор» билан ўйинда чуқур ҳимояга ётиб олсак барибир эртами кечми гол ўтказиб юборардик.
Гапни очиғи, мағлубиятга учрагандан кейин Мурод Холмуҳаммедов ёки Қувондиқ Рўзиев йўқ эди деб баҳона қилиш нотўғри бўлади. Улар етакчи футболчиларимиз ҳисобланади. «Локомотив» билан учрашувгача эмас, ундан кейинги турларгача қайтади деган умиддаман. Музаффар Музаффаров «Қизилқум» билан ўртоқлик учрашувида оёғидан яна жароҳат олди, у ҳам яқин орада бизга ёрдам бера олмайди.
Бахтиёр Ашурматов, «Қўқон-1912» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)