«Қизилқум» футбол клуби менежери Ҳамиджон Актамов Coca-Cola Суперлига 10-тури доирасида «Бухоро»га қарши ўйинда қўлга киритилган ғалаба (1:0) борасида ўз фикрларини билдириб ўтди.
Қўлга киритилган қийин ғалаба билан жамоамиз мухлисларини табриклайман. Жуда оғир ўйин бўлишини билардик ва шунга яраша тайёргарлик кўргандик. Ниҳоят узоқ кутилган ғалаба қўлга киритилди ва ўйлайманки, бу билан тўхтаб қолмаймиз. Мухлислар олдида қарзимиз кўп, навбатдаги баҳсларда ҳам уларни хурсанд қилишга ҳаракат қиламиз.«Қизилқум» 10-турга келиб мавсумдаги илк ғалабасини қўлга киритди ва очколарини 5 тага етказиб олган ҳолда 13-ўринга кўтарилди. Жамоа 11-турда «Металлург» билан ўйнайди.Шуни айтишим керак, коронавирус бизнинг футболчиларни ҳам четлаб ўтмади ва кўп футболчиларимиз бундан соғайиб ҳам бўлди. Баъзилар энди-энди ўзига келяпти. Янги футболчилар астойдил ҳаракат қилди. Кейинги ўйинларда ҳам янада фаоллик кутиб қоламиз. Тажрибали футболчиларни ўз сафимизга қўшиб олдик. Ҳаммаси жойида. Яна ўзгаришлар бўлади. Бу борада футболчилар билан музокаралар кетяпти.
Агар ишимизга четдагилар аралашмаса янада яхши натижа кўрсата оламиз. Ким ҳақида гапираётганимни кўпчилик яхши билади. Агар футбол керак бўлса, ана футболи йўқ вилоятларга бориб футболни кўтарсин. Дарахт энди ҳосилга кирадиган пайтда тагидан кесиш яхши эмас. 2016 йил 6-ўринни олгандик, бу йил ҳам юқори мақсадлар қўйилган. Насиб қилса раҳбарият олдида юзимиз ёруғ бўлади.
Ҳамиджон Актамов, «Қизилқум» менежери
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)