Кўплаб кузги маникюр трендлари ўтган мавсумлардан таниш. Френчнинг ранг-баранг кўринишлари, градиент ёки ёрқин ранг кабилар. Шакл ва узунлик масаласи эса ҳар кимнинг ўз хоҳишига боғлиқ. Аммо куз фаслида табиий, қисқа, бодомсимон ва юмшоқ квадрат шаклдаги тирноқлар урфга киради. Шунингдек, янги мавсумда урфга кириши кузатилаётган ёрқин ранглар ҳам бор.
Ярим ой
«Ярим ой» шакли нафақат сумкалар дизайнида, балки маникюрда ҳам урфга киради. Ушбу кўриниш «френч»га ўхшаш бўлиб, баъзида «тескари француз маникури» деб ҳам аталади. Ушбу дизайнда ярим ой шакли тирноқнинг асосий қисми, ён томони ва учида акс этади. Уларни ноодатий тарзда тирноққа тушириш касб эгаларининг маҳоратига боғлиқ. Ранглар ҳам турлича – қорадан тортиб ёрқин ранггача бўлиши мумкин.
Металл ранг
Металл ранглар одатда Янги йил байрами арафасида урфга кирар эди. Лекин 2020 йилнинг куз фасли палитрасидан кумуш ва тилла ранг жой олди. Агар ушбу мавсумда кийиладиган либослар айнан металл ранг бўлса, у ҳолда тирноқлар дизайни ҳам шунга мос келади. Ушбу дизайнда рангсиз ёки ялтироқсиз бўёқ устидан металл ранглар билан турли хил шаклда берилган безак тирноқларни янада гўзал кўринишга олиб келади.
Тошлар
Безак ва тошлар тирноқ бўёқлари урфга кира бошлаган даврни ёдга солади, албатта. Айнан яна ўша дизайнлар урфга қайтмоқда. Лекин бу тирноқнинг бутун пластинкасини тош ва кўзларга тўлдириб чиқиш дегани эмас. Уларнинг дизайни умуман бошқача кўринишда намоён бўлади. Тошлар ёрдамида тирноққа бироз нафислик бағишлаш мумкин. Шунингдек, ушбу услубдан фойдаланишда тирноқ юзасига ёпиштириладиган тошчаларнинг бемаврид тушиб кетишини ҳам инобатга олиш керак.
Изоҳ (0)