Мода бир жойда турмайди, замонга мавсумга ва дизайнерларнинг фантазиясига қараб ўзгариб туради. Кузда қандай либос ва аксессуарлар аёл-қизлар гардеробидан олиши керак? Harper’s Bazaar ушбу саволга жавоб беради.
Трикотаж матоли узун кўйлак
Янги мавсумда, шу вақтгача долзарб бўлиб келган миди узунлигидаги либослар, максига ўрнини бўшатади. Узун бичимдаги либоснинг трикотаж матосидан тикилгани эса куз учун энг яхши вариант ҳисобланади.
Масалан, Matteau брендидаги сингари қора минимал ва ортиқча деталлардан ҳоли, Bottega Veneta бренди тақдим этганидек шокилдали ва Mugler’дагидек бўйин қисми ёпиқ ва «вирез»ли либос айни муддао. Модасеварлар аллақачон ушбу трендни синаб кўришни бошлаб юборган бўлиб, уни флип-флоп (шиппак) ва босоножкалар билан мосламоқда.
Шокилдали сумка
Шокилдали либос ва аксессуарлар аввалроқ ҳам хит бўлган, аммо тез унутилганди. Лекин ушбу ўзига хос ёндашув куз мавсумида қайтадан асосий трендлардан бири бўлади. Урфдан қолмаслик учун бошдан оёқ шокилдали кийиниш шарт эмас оддий ва сипо кийиниб, шокилдали сумка тутишнинг ўзи кифоя.
Шокилда, Bottega Veneta ва Jil Sander’ники сингари чармдан, Miu Miu тақдим қилганидек тошли ва Saint Laurent’никидек чармдан бўлиши мумкин.
Кейп
Кейплар машҳур брендлар — Burberry, Celine, Balmain, Givenchy’нинг кузги коллекциясидан ўрин олиб улгурган. Шу сабаб ҳам қўл қисми бошқа бичимлардан фарқ қиладиган мазкур услубдаги либосларни ҳеч иккиланмай гардеробга қўшиш мақсадга мувофиқ.
Дизайнерлар, кўйлак, палто, жакет ва кардиган-кейплар билан қизиқарли образлар яратишни тавсия қилади.
Қўлқоплар
Кузнинг совуқ кунлари бошланиши билан қўлқоплар фақатгина совуқдан ҳимоя воситаси бўлибгина қолмай, асосий тренддаги деталлардан бири бўлади. Ушбу аксессуар мода намойишларида нафақат устки кийим, балки кўйлак ва жакетлар билан образни тўлдирувчи сифатида ҳам кийилади.
Қўлқоп билан урфга хос кийинишни истовчилар эътиборини ёрқин, Gucci’дагидек қоплон принтли, Alessanda Rich тақдим қилгандек тўрли моделларга қаратиши тавсия қилинади.
Занжир
Куз мавсумида кў йлак, туфли, сумка, қолаверса бошқа гардеробдан жой олиши мумкин бў лган кийим-кечакларнинг занжири бў лиши айни муддао. Мода инфлюенсерлари учун севимли бўлган мазкур деталь, кузга хос замонавий ва дидли кийинишнинг тенденцияларидан бири бўлади.
Нимадан бошлашни билмаётганлар учун харидни занжирли сумка ёки пойабзал олишдан бошлаш ёки водолазка билан занжирли тақинчиқ тақиш тавсия қилинади.
Изоҳ (0)