Бугун,

  • USD 11014.01
  • RUB 191.8
  • EUR 10674.78

Беларусь президентлигига ўтказилган сайловларида Александр Лукашенкога рақиблик қилган Светлана Тихановская мамлакат фуқароларига янги видеомурожаат йўллади, деб хабар беради Meduza.

Кадр: YouTube

Кадр: YouTube
Қадрдон ва севимли беларусларим! Ҳозирда мамлакатимиз ва барчамиз ўз тарихимизда шафқатсизлик қаҳрамонлик билан, умидсизлик — жасорат, севги эса — хиёнат билан чегараланган жуда қийин даврни бошдан кечиряпмиз. Ушбу даврда биз ўз танловимизни амалга оширишимиз керак. Бу биздан вақт талаб қилади.

Қаҳрамонларимизни кўмайотган шундай бир пайтимизда мен сизлар билан бирга йиғламоқдаман. Бу мамлакат учун мисли кўрилмаган йўқотиш. Айбсиз ўлдирилган ёшлар. Биз уларнинг оилаларини қўллаб-қувватлашимиз керак. Келажакда уларнинг номи билан, албатта, кўчаларни номлашимиз керак. Уларнинг ёди доимо хотирамизда қолади.

Менда ўзимнинг сиёсий карьерам борасида ҳеч қачон пуч хаёл бўлмаган ва йўқ. Мен сиёсатчи бўлишни истамадим, бироқ тақдир мени ўзбошимчалик ва адолатсизликка қарши курашнинг энг олдинги чизиғига қўйиб қўйди. Тақдир ва менга ишонган — сизлар. Сизлар менга куч бердингиз. Ҳозирда ҳар дақиқа сизларнинг жасоратингиз, ташкилотчилигингиз ва нақадар кучли ҳамда порлоқ эканлигингиздан ҳайратланяпман.

Сизлар менга ўз овозингизни бердингиз, мен буни жуда қадрлайман, буни нима сабабдан амалга оширганингизни жуда яхши биламан. Барчамиз 26 йил олдин кириб қолган ушбу чексиз ҳалқадан чиқишни истаймиз. Мен мамлакат тинчланиши, нормал ҳаёт тарзига қайтиши, барча сиёсий маҳбусларни озод этиш ва қисқа муддат ичида янги президентлик сайловлари учун қонунчилик базаси ва шароитларини яратишда масъулиятни ўз зиммамга олиб, мазкур даврда миллий етакчи сифатида чиқишга тайёрман.

Светлана Тихановская 

Эслатиб ўтамиз, Беларусда 9 август куни президент сайлови бўлиб ўтди. Сайлов куни Минск марказида ҳарбий техника пайдо бўлди. Беларусь милицияси сайлов участкалари олдида тўпланган одамларни қўлга олди. Сайлов куни оқшомида мамлакатнинг барча етакчи оммавий ахборот воситаларининг сайтлари очилмай қолди. Пойтахт Минскда президент сайловидан кейин норозилик намойиши бошланди. Шундан буён мамлакатда норозилик намойишлари ва намойишчиларни қўллаб-қувватлаш учун чиқишлар давом этмоқда.

Беларусь Марказий сайлов комиссиясининг дастлабки ҳисоб-китобларига кўра, президентлик сайловларида республиканинг амалдаги раҳбари Александр Лукашенко 80,08 фоиз овоз тўплаган. Мухолифат номзоди Светлана Тихановская эса расмий маълумотларга кўра, 10,09 фоиз овоз олган.

Натижалар эълон қилингач, Светлана Тихановская ўтказилган сайловларда ўзини ғолиб дея ҳисоблашини маълум қилди ва Лукашенкога музокаралар ўтказиш таклифини берди. Шунингдек, у сайловларнинг натижаси юзасидан Марказий сайлов комиссиясига норозилик билдирди.

Изоҳ
Асосий янгиликлар