Россиянинг Гамалея номидаги Эпидемиология ва микробиология маркази томонидан яратилган вакцина синовининг учинчи босқичида иштирок этадиган кўнгиллилар барча зарур муолажаларни амбулатория шароитида ўтайди. «ТАСС»нинг хабар беришича, бу ҳақда марказ директори Александр Гринцбург маълум қилди.
«Албатта, кўнгиллилар олдиндан касалхонага ётқизилмайди. Ҳамма уйидан келиб, уйига кетади», — деган Александр Гринцбург.
Унинг қўшимча қилишича, катта эҳтимол билан синовнинг биринчи кунида кўнгиллилардан қон олинади. Бу антитаналарнинг кўпайишини таққослаш учун амалга оширилади. Иккинчи марта қон олиш эмлангандан 21 кун ўтиб амалга оширилади. Иккинчи марта эмлангандан кейин, орадан 21 кун ўтиб яна бир марта қон олинади.
Александр Гринцбург ҳозирча рўйхатга олишдан кейинги тадқиқотлар бўйича якуний протокол йўқлигига эътибор қаратди. Бироқ учинчи босқичдаги синовлар дастлабки икки босқичга қараганда енгилроқ ўтишини тахмин қилмоқда.
Аввалроқ Гринцбург вакцина синовининг учинчи босқичида иштирок этувчи кўнгиллилар суғурталаниши ва компенсация олишини билдирган.
Эслатиб ўтамиз, Гамалея номидаги Эпидемиология ва микробиология марказида ишлаб чиқилган вакцина рўйхатдан ўтказилгани ҳақда Россия президенти Владимир Путин маълум қилганди. Путиннинг сўзларига кўра, вакцина барқарор иммунитетни шакллантиради ва барча зарур текширувлардан ўтган. «Фонтанка» нашри ушбу вакцина тўғрисидаги ҳисобот билан танишиб чиқиб, у Путин айтганидек умидлига ўхшамаяпти, деган хулосага келган.
Изоҳ (0)