Музқаймоқнинг уй шароитида тайёрланмагани жуда ширин ва калорияга бой егулик ҳисобланади. «Ҳақиқий» музқаймоқ камдан-кам тановул қилинади, қўшимча ширинлик таъмини берувчи моддалар эса калорияни ошириб юборади. Энг яхшиси, ҳар куни салқинлаш учун шоколад ёки қаймоқли музқаймоқдан кўра сув ичиш керак, мевали сорбет қабул қилган афзал.
Музқаймоқнинг фойдали жиҳати борми?
Россияда табиий биомузқаймоқлар ишлаб чиқарилади. Уни болалар боғчаси, мактаблар ва шамоллаш ва ошқозон касалликларини даволайдиган махсус шифо масканларига тавсия этилади. Агар тана заифлашмаган бўлса, мунтазам истеъмол қилинган муз томоқни чиниқтиради. Биомузқаймоқ инсон микрофлораларини яхшиловчи фойдали бактериялар, пробиотиклар билан бойитилган. У табиий сарёғ, сут, фойдали витамин ва ёғ кислоталаридан таркиб топган. Бундай таркибли музқаймоқни ёрдамчи моддалар туфайли ҳазм қилиш осонроқ, хавфсиз бўлганлиги учун ҳам қоматга таъсири йўқ.
Шунингдек, ҳар қандай ширин таом сингари музқаймоқни куннинг биринчи ярмида тановул қилиш тавсия этилади, соат 11:00 дан 16:00 гача. Сабаби бу вақтда ошқозон ости бези янада фаол ҳаракатда бўлади. Музаймоқ таркибидаги ёғлар ҳамда углеводларни ҳазм қилиш осонроқ ҳисобланади. Кечки пайт эса тана ўзини қайта тиклаши учун имкон яратиш керак, унга қийин ҳазм бўладиган егуликлар тушмаслиги зарур.
Нима учун иссиқда музқаймоқдан воз кечиш керак?
Ёзнинг жазирамасида музқаймоқ энг яхши егулик саналади. Лекин у танани узоқ муддат музлатмайди, сабаби икки дақиқадан сўнг углевод ва ёғларни қайта ишлай бошлайди. Энергия ишлаб чиқрарилиши натижасида тана қизийди. Одатда, музқаймоқ эримаслиги учун тез-тез ейилади. Бироқ мана шу шошилиш ўткир респератор касалликни келтириб чиқариши мумкин. Музқаймоқ тановули пайтида тана ҳарорати тушади ва нафас олиш йўллари музлай бошлайди, тана бир томондан иссиқдан қизийди ва музқаймоқ эса аксинча совутади. Бу ҳолат танада кучли стрессни келтириб чиқаради. Айтганча, ёзда музли ичимликларни ичиш ҳам худди шунга олиб келади.
Яна бироз хавфли бўлган мевали музни айтиш ўтиш керак. Унинг ҳам миқдорини ошириб юбормаслик лозим. У шарбатдан тайёрланади ва қондаги глукоза миқдорини кескин ошириб юборади, инсулин миқдорини меъёрдан чиқаради. Музқаймоқдан олинган шакар ўша заҳоти қонга сингиб, ошқозон ости бези ва жигарнинг азият чекишига сабаб бўлади. Тўғри овқатланиш бўйича мутахассисларнинг айтишига қараганда, шарқ табобатида музқаймоқ энг зарарли овқатлар рўйхатига киритилган.
Музқаймоқ ўрнига нима истеъмол қилиш мумкин?
Сорбет музқаймоқдан камроқ зарарга эга бўлган ўринбосардир. Аммо унинг ҳам таркибида шакар бўлгани учун фойдали деб бўлмайди. Сорбет асосан мевалар пюреси асосида тайёрланади. Бириктирувчи тўқималар туфайли шакар қонга секин сингиб кетади ва у инсулин миқдорининг бузилишига олиб келмайди. Таркиби бўйича сорбетда озроқ ёғ бор, аммо сут ва қаймоқ йўқ. Лекин таъми ажойиб. Агар таркибида кўп миқдорда шакар бўлмаса, сорбет музқаймоқнинг ўрнида фойдали ўринбосардир.
Музқаймоқ танлашда нималарга эътибор бериш керак?
Табиий музқаймоқнинг ичида модда алмашинувини яхшилайдиган фойдали кислоталар, витаминлар, минераллар ва ферментлар мавжуд. Бироқ дўконлардаги катта танлов ичидан ростан ҳам яхшсини топиш қийин.
- Ташқи кўриниш. Синган, эриган музқаймоқ яна қайта музлаши мумкин. Агар нотўғри жойда сақланган бўлса, ҳосил бўлган микроблар организмни заҳарлаши мумкин. Бундай музқаймоқларни сотиб олмаганингиз маъқул.
- Ёрлиқ. «Ўсимлик-қаймоқ», «сутли ўсимлик ёғи» ва шунга ўхшашларини харид қилмаслик керак. Чунки бундай музқаймоқ таркибида сут ўрнига ўсимлик моддалари, кўпинча палма ёғи қўшилган бўлади.
Изоҳ (0)