Ҳар кунги тозалик ишлари учун кўп вақт сарфлашга тўғри келади. Уйингизда маълум вақт ўтгач баъзи буюмларни ювиш фойдасиз эканлигини ёки уларни аллақачон янгилаш вақти келганини биласизми? Тез-тез ўзгартиришингиз керак бўлган баъзи буюмлар ҳақида Wday бир неча тавсиялар беради.
Резина қўлқоплар
Биринчидан, ҳар фойдалангандан сўнг уларни тозалаб ювиш керак. Иккинчидан, ҳар бир хона учун алоҳида қўлқоп жуфтлигидан фойдаланинг. Яъни биттасида деразаларни, бошқасида полни, учинчисида ҳаммомни, тўртинчисида идишларни ювинг.
Агар қўлқопда майда ёриқлар пайдо бўлса, уларни ташлаб юбориш керак.
Идишлар ювадиган «губка»
Мутахассислар такрорлашдан чарчаган жумла: «губка» — уйдаги энг чиркин нарсадир. Уни тозалаш фойдасиз. Аммо «губка»дан ҳар фойдаланганингиздан сўнг уни микротўлқинли печда қиздириш мумкин. Бундан кўра уни ҳафтада бир марта ёки максимал икки марта алмаштирган яхшироқ.
Ошхона сочиғи
Ошхона сочиқларини деярли ҳар куни ювиш лозим. Агар сиз идишларни ва столни тозалаш учун мунтазам равишда сочиқ ишлатсангиз, кечқурун уларни, албатта, ювинг.
Сочиқларни йилда бир марта алмаштириш керак.
Идишлар
Пиёла ва тарелкалар сифати, асосан, материал ва ишлаб чиқарувчига боғлиқ. Аммо умумий тавсиялар бир хил: агар идишларда чизилган расм ўчган бўлса, уни пенсияга юбориш вақти келди. Агарда синиқ пайдо бўлса, уни ташлаб юборинг.
Идишларни ўртача 7 йилда бир марта алмаштириш керак.
Даҳлиздаги гиламча
Уйга кирганингизда сизни биринчи қарши оладиган нарса. Бу буюм жуда фойдали: агар гиламча бўлмаса, кўчадан кир ва чанг ҳеч қандай тўсиқсиз хоналарга ўтиб кетар эди. Вақт ўтиши билан гилам ташқи пойабзалга қараганда кўпроқ хавфли бўлиб қолади. Уни мунтазам тозалаб туриш керак.
Гиламни ҳар уч ойда алмаштиринг.
Уй шиппаги
Оқ туфли сотиб олиб, бир ой давомида кийиб юриб, тажриба ўтказинг. Икки ҳафта ўтар-ўтмас уни кийишни хоҳламаслигингизга кафолат берамиз. Шу сабабли уйда киядиган оёқ кийимларини тез-тез ювиш керак. Шиппакни ҳар қандай ҳолатда ҳам меҳмонлар билан бўлишмаслик, кийиш учун ҳеч кимга бермаслик зарур.
Шиппакни 4-6 ойда алмаштиринг.
Пластик идишлар
Бу буюм жуда қулай ва кўп йиллар хизмат қилиши мумкин. Аммо улар маълум вақт ўтгач, атроф-муҳитга зарарли моддаларни чиқарадиган пластикдан ясалганлигини унутмаслик керак. Бундан ташқари микротўлқинли печда бу жараён янада кучаяди. Бу ҳақда шифокорлар аллақачон бир неча бор огоҳлантирган. Бундай идишларда овқат иситмаслигингиз керак.
Пластик идишларда ёриқ пайдо бўлиши, ранглар ўзгариши уни янгилаш вақти келганини англатади.
Ҳаммом пардаси
Парда доимо намлик, сув чўкиндиси, совун қолдиқлари ва тери зарраларини тўплайди. Эҳтиёткор мутахассислар пардани ойига бир марта ўзгартиришни маслаҳат беради. Шунингдек, уни ҳар уч ойда бир марта алмаштириш ҳам мумкин.
Изоҳ (0)