Футбол бўйича Қатар юлдузлар Лигасининг 21-турида «Қатар СК» 13 август, пайшанба куни «Ас-Садд» билан баҳс юритди.
Учрашувда кичик устунлик «Ас-Садд» томонидан бўлди. Бироқ Хави шогирдлари рақиб дарвозаси томон йўл топишга қийналди. Ҳакам томонидан қўшиб берилган вақтлар якунига етай деб қолганда Бағдод Бунежа меҳмонларга ғалаба келтирган голни урди.
Ушбу баҳсда асосий таркибда майдонга тушган Сардор Рашидов 88-дақиқада захирага олинди.
Мазкур ғалабадан кейин «Ас-Садд» очколарини 44 тага етказиб олди ва 3-ўринда кетмоқда. «Қатар СК» эса 19 очко билан 9-поғонани эгаллаб турибди.
Қатар юлдузлар Лигаси
21-тур баҳси
«Қатар СК» — «Ас-Садд» 0:1
Гол: 0:1 – 90+8 Бунежа.«Қатар СК»: Мажид, Ал-Робеай, Бақш, Галвес, Рашидов (Одил, 88), Ал-Амади (Дузанде, 69), Мансур, Маҳмуди, Барраҳма, Аҳмад, Кайке.
«Ас-Садд»: Аш-Шеб, Педру Мигел, Ҳассан (Абдулазиз, 62), Салмон, Али (Сайёр, 79), Чон У Ён, Нам Те Ҳи, Хухи, Табата, Холид, Бунежа.
Огоҳлантиришлар: Бақш (71), Кайк (88), Мансур (89), Пудру Мигел (90), Бунежа (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)