Англия футбол ассоциацияси (FА) Англия Кубогининг 2020/21 йилги мавсуми регламентига ўзгартиришлар киритди.
Мазкур мусобақада дуранг натижа қайд этилган тақдирда такрорий ўйин ўтказиш қоидаси бекор қилинади. Бу коронавирус пандемияси туфайли юзага келган тиғиз тақвим сабаб жорий этилди.
Мазкур ўзгариш Англия Лига Кубогига ҳам тааллуқли бўлади. Худди шу сабабларга кўра, мусобақанинг ярим финал баҳслари одатга кўра иккита ўйиндан эмас, бир учрашувдан иборат бўлади.
Англия Кубоги мусобақаси 1 сентябрдан старт олади, финал 2021 йилнинг 15 май кунига мўлжалланган. Англия Лига Кубоги эса 5 сентябрдан 28 февралга қадар давом этади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)