Испаниялик таниқли журналист, футбол эксперти Гильем Баллаге «Ювентус» клуби жамоа ҳужумчиси Криштиану Роналдудан қутулиш истагида эканлигини маълум қилди.
Қайд этилишича, Турин клуби юқори маош сабаб Роналдудан халос бўлишни истамоқда ва унинг хизматларини бир нечта клубга таклиф этган. Улар қаторида «Барселона»нинг ҳам борлиги айтилмоқда.
Роналдунинг атрофидагилар эса бу маълумотлар ҳақиқатга тўғри келмаслигини маълум қилган. Маълум қилинишича, Криштианунинг оиласи Туриндалигидан бахтли. Футболчи эса шартномасини охирига қадар «Ювентус»да тўп суришни режалаштирган.
Роналдунинг «Ювентус» билан шартномаси 2022 йил ёзида якунига етади.
Эслатиб ўтамиз, Роналду 2018 йил ёзида «Реал»дан «Ювентус»га ўтганди. Футболчи 2019/20 йилги мавсум Италия чемпионатида 33 та ўйин ўтказиб, 31 та гол уриб, 5 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)