UFC президенти: «Флойд Мейвезер жанг қилишни хоҳламоқда. Биз буни амалга оширамиз»

UFC президенти Дэйна Уайт профессионал бокснинг бешта вазн тоифасида собиқ Жаҳон чемпиони Флойд Мейвезер ҳақида гапирди.

«Флойд жанг қилишни хоҳламоқда. Биз эса унинг учун жанг ҳозирлаяпмиз. Аммо сиз ҳам бизни эшитинг. 2020 йилда бизда жуда кўп муаммолар бор.

Флойд билан бирга ишлаш ниятидамиз. Бироқ ҳозир содир бўлаётган воқеалар сабаб бизга кўпроқ вақт керак бўлади», — дейди Уайт.

Эслатиб ўтамиз, аввалроқ Флойд Мейвезер 2020 йилда Конор Макгрегор билан реванш жанги ўтказиши, шунингдек, Ҳабиб Нурмагомедов билан жанг қилишини эълон қилганди.