Британиянинг Бристоль шаҳрида яшовчи Люси Келсолл уч йил олдин вафот этган эридан эгизак фарзандларни дунёга келтирди, деб ёзади Daily Mail.
Люси 2012 йилда Дэвид Келсоллга турмушга чиққан. Улар фарзандли бўлишни истаган, бироқ барча уринишлар бесамар кетган.
Тўйдан икки йил ўтгач, эркакка ҳиқилдоқ саратони ташхиси қўйилди. Люси Дэвид вафот этган тақдирда, сунъий уруғлантириш йўли билан ҳомиладор бўлиш орзусини амалга ошириши учун эр-хотин эмбрионларни музлатишга қарор қилган.
Уч йил олдин эри вафот этди.
«Ўлимидан бир неча кун аввал унга фарзандли бўлишимизни айтдим. Бу уни жуда хурсанд қилди. У жуда яхши ота бўлишни хоҳларди», — деди 37 ёшли Люси.
Иккинчи сунъий уруғлантириш уринишидан сўнг аёл 2019 йилда эгизакларга ҳомиладор бўлди. Люси Дэвид ва Самюэль исмли икки соғлом ўғилни дунёга келтирди.
«Мен ҳар куни фарзандларимга оталари ҳақида айтиб бераман. Улар ҳам худди отасидек бўлишини хоҳлайман. Дэвид доим бизнинг юрагимизда қолади», — деб айтади Люси.
Изоҳ (0)