Янги Зеландиянинг Крайсчерч шаҳрида яшовчи Иан Брекенбери Ченнел расман сеҳргар лавозимида фаолият юритади. У бу вазифада 20 йилдан буён ишлайди ва йилига 10 400 АҚШ доллари маош олади, деб хабар беради CNN.
Ченнел сеҳргар бўлгунига қадар ўқитувчи вазифасида ишлаган, аммо сеҳргарликка бўлган иштиёқи туфайли у ерда узоқ қолмади. Энг қизиғи, Channel ажрашишга қарор қилган турмуш ўртоғини сеҳр-жоду билан тўхтата олмаган. Шундан сўнг у узун либос ва шляпа кийиб, қўлида ҳасса билан кўчаларда гапириб юра бошлаган. Орадан кўп ўтмай шаҳар аҳолиси унга ўрганиб қолади ва уни «сеҳргар» деб атайди.
Хабарда айтилишича, 1988 йил мамалакатда юз берган қаттиқ қурғоқчиликда сеҳргар ёмғирни рақс маросими ёрдамида чақиради. Шундан сўнг уни «Жонли санъат асари» деб номлашган.
90 йилларнинг бошидан у расмий равишда Янги Зеландия, Антарктика ва яна бир неча жойларда сеҳргар бўлиб ишлай бошлади. У йилига 10 минг АҚШ долларига эга бўлади.
Маҳаллий ҳокимиятнинг таъкидлашича, 87 ёшли сеҳргарнинг вазифаси маҳаллий тадбирлар ва туризмни ривожлантиришга ёрдам бериш, шунингдек, ҳурматли шахслар ва делегацияни кутиб олишдан иборат. 2009 йил сеҳргар Янги Зеландиянинг энг олий мукофоти – «Қиролича хизмати» унвонига сазовор бўлди.
«Мен бунга ишонолмайман, қачонлардир бундай бўлади деб ўйлмагандим», – дейди Иэн Брекенбери Ченнел.
Изоҳ (0)