Иккита белуха Шанхай океанариумдан озод қилинди. Улар эркин сузишга қўйиб юборилади

Кичкинтой Оппоқ ва Кичкинтой Кул ранг номли белухалар (дельфин) Шанхай океанариумидан Исландиянинг Клеттсвик кўрфазидаги қўриқхонага ўтказилди, деб хабар берди CNN.

Ушбу белухалар Россия соҳилларида жуда кичиклигида ушланган ва 2011 йилда Россия тадқиқот марказидан Хитой океанариумига кўчирилган. Белухаларни денгизга қайтариш ғояси китлар ва делфинларнинг тутқинликда яшашига қарши бўлган Merlin Entertainments компанияси томонидан океанариум сотиб олинганидан кейин пайдо бўлди. Ҳозирда белухаларнинг уйи уларнинг табиий яшаш шароитига максимал яқинлаштирилган.

https://www.instagram.com/p/CCOc89DAWTI/?utm_source=ig_embed

Белухаларни Исландияга олиб бориш осон бўлмаган. Ҳар бир белуханинг оғирлиги бир тоннадан ошади ва кун давомида 50 кг балиқ истеъмол қилади. Уларни ташиш учун буюртмага катта замбил ишлаб чиқарилди ва жуда кўп сув ва муз ишлатилди. Ушбу операцияга бир қанча ветеринар жалб этилди.

Белухаларни кўчиришнинг охирги босқичи коронавирус пандемияси сабабли янада мураккаблашди, чунки кўчишга ёрдам берадиган мутахассисларни топиш муаммога айланганди. Бундан ташқари, белухаларни Исландияга олиб борганлар ҳам карантинга юборилган.

https://www.instagram.com/p/B_3C6CrpD2_/?utm_source=ig_embed

Белухани эркин сузишга қўйишдан аввал уларнинг янги уйлари – кўрфазнинг совуқ сувига мослашиши учун  «иқлимлаштириш макони»га жойлаштирилди.

Кичкинтой Оппоқ ҳамда Кичкинтой Кул рангни кўчиришга ёрдам берган Sea Life Trust хайрия ташкилотининг ҳисоб-китобига кўра, дунё бўйича 300 дан ортиқ белуха мавжуд. Ташкилот раҳбарининг фикрига кўра, белухаларнинг денгизга қайтиши китлар учун ҳам янги босқич бўлади.

Маълумот учун, белуха (Delphinapterus leucas) — дельфинсимонлар оиласига мансуб сут эмизувчи ҳайвон уруғининг ягона вакили. Танасининг узунлиги 6 метргача, оғирлиги 1,5 тоннагача. Белухалар Шимолий Муз океани ва у билан туташган денгизларда тарқалган бўлиб, музлар орасида ҳам учрайди. Бошининг пешона қисмидаги мустаҳкам қадоғи ёрдамида музларни бемалол ёриб сузиб юради. Балиқлар, қисқичбақасимонлар ва бошқа майда ҳайвонлар билан озиқланади. Балиқлар галаларининг орқасидан дарёларга ҳам ўтади. Белухалар пода бўлиб яшайди. Йирик (1,5 м келадиган) бола туғади. Тутқинликка яхши чидайди. Гўшти, териси ва ёғи учун чекланган миқдорда овланади.