Канье Уэст Yeezy кроссовкаларининг янги модели сурати билан бўлишди. Пойабзал ижтимоий тармоқда мемга айланди​

Рэпер Канье Уэст Twitter саҳифасида Yeezy Bost кроссовкаларининг янги модели сурати билан бўлишди. Бу ҳақда Harper’s Bazaar нашри хабар берди.

Фото: Beauty Hack

Таъкидланишича, кроссовкалар икки хил: қаймоқранг рельефли YZY D Rose ва қулай уй шиппагини эсга соладиган сариқ TURRELLIENS моделларидан иборат.

https://twitter.com/kanyewest/status/1292308705179041793

Каньенинг дизайни футуристик услубда экани билан бошқалардан фарқ қиладиган кроссовкалари ижтимоий тармоқда фойдаланувчилар томонидан бошқа деталларга оригинал ва ўзига хос тарзда қиёсланган. Айримлар картошкага янги дизайн кўринишини эсга соладиган қилиб ишлов берган, бошқалар бўлса эстафетани балиқ скелети ёки лапша суратини жойлаш билан давом эттирган.

Шунга қарамай ҳали на Adidas, на Yeezy Supply хонанда ижтимоий тармоқда бў​лишган янги кроссовка моделлари билан боғлиқ расмий маълумот бермаган, дейилади хабарда. Қўшимча қилинишича, YZY D Rose ва TURRELLIENS’нинг тақдимот санаси ҳамда белгиланган нархи ҳам ҳали маълум эмас.

Маълумот учун, бундан аввалроқ ҳам Канье Уэст ўз брендининг янги кроссовкаси суратини эълон қилган ва одамлар модель дизайнини хинкалига ўхшатганди. 2019 йилда тақдим қилинган Yeezy фоам руннер модели эса мода олами вакиллари ҳамда фойдаланувчиларнинг баҳс-мунозараларига сабаб бўлиб, ижтимоий тармоқда мемга айланган.