13 август куни Тошкент вақти билан соат 23:07 да Ўзбекистон ҳудудида зилзила содир бўлди. Бу ҳақда Фавқулодда вазиятлар вазирлиги Республика сейсмопрогностик мониторинг маркази хабар қилган.
Зилзила координаталари: 38,55 градус шимолий кенглик; 69,83 градус шарқий узунлик. Магнитуда М=4,9. Чуқурлик 10 километр. Зилзила эпицентридан Тошкентгача масофа 306 километр жануби-шарқий йўналишда жойлашган.
Ерости силкинишлари кучи Гулистон шаҳрида 3 баллни, Наманган, Фарғона, Тошкент, Андижон, Жиззах, Самарқанд, Термиз, Қарши ва Навоий шаҳарларида 2 баллни ташкил этган.
Ўзбекистоннинг бошқа ҳудудларида ер силкиниши қайд этилмаган. Талафотлар ва жабрланганлар тўғрисида маълумот йўқ.
Аввал 2020 йил 5 август куни Ўзбекистонда иккита зилзила кузатилган (соат 13:18 да 3 баллик ва 14:32 да 2 баллик).
4 июль, 9 июль, 16 июль кунлари Тожикистонда, 14 июль куни Афғонистонда, 21 июль куни Қирғизистонда, 4 август куни Қозоғистонда юз берган зилзилаларнинг кучи ҳам Ўзбекистон шаҳарларида сезилган эди.
Изоҳ (0)