Ўзбекистондан хорижга рухсатномасиз ва декларациясиз олиб чиқиш мумкин бўлган нақд валюта миқдори 2020 йил 1 сентябрдан бошлаб оширилади. Бу Вазирлар Маҳкамасининг 10 августдаги қарори билан тасдиқланди.
Қарорга асосан жисмоний шахслар томонидан хорижий нақд пул валютасини олиб кириш ва олиб чиқиш қоидаларига ўзгартиришлар киритилди.
Ҳужжатга кўра, 100 миллион сўмгача эквивалентдаги нақд хорижий валютани мамлакатдан ҳеч қандай рухсатномасиз олиб чиқиш мумкин бўлади. Шунингдек, 70 миллион сўмгача бўлган эквивалентдаги маблағлар учун декларация талаб қилинмайди.
Қарор қабул қилинган вақтда мазкур маблағлар миқдори мос равишда 9750 ва 6800 долларни ташкил этарди.
Мазкур ўзгаришга қадар Ўзбекистондан рухсатномасиз 5000 долларгача, декларациясиз эса 2000 долларгача миқдордаги нақд хорижий валютани олиб чиқиш мумкин эди.
Изоҳ (0)