Ижтимоий тармоқларда бир кишининг қасддан отиб ташланиб, сўнгра автомобиль ёрдамида босиб кетилгани тасвирланган видео тарқалди. ИИВ видеодаги ҳолат бўйича маълумот берди.
Ижтимоий тармоқларда Cobalt русумига ўхшаш автомашина ҳайдовчиси ҳамда бир йўловчи машина юкхонасидаги шахсни ерга тушириб, уни ўқотар қурол ёрдамида отиб ташлагани, сўнг автомобилда уни босиб воқеа жойидан кетиб қолгани тасвирланган видео тарқалди.
Ўзбекистон ИИВ матбуот хизматининг маълум қилишича, мазкур ҳолат Лотин Америкаси давлатларидан бирида содир этилган.
«Бу воқеа Ўзбекистонда бўлган деб тарқатилаётган маълумот ҳақиқатга мос келмайди. Фуқароларимиздан ва ижтимоий тармоқда канал юритувчилардан текширилмаган ва ёлғон маълумотларни тарқатишдан ўзларини тийишларини сўраб қоламиз», — дейилади хабарда.
Бразилиянинг Estado de Minas нашрининг ёзишича, мазкур кўнгилсиз ҳодиса мамлакат шимоли-ғарбидаги Белу-Оризонти туманида содир бўлган. Қотилликда гумонланиб уч нафар эркак ва 16 ёшли ўсмир қўлга олинган.
Мавзуга доир:
- Андижонда теракларнинг сояси бир кишининг ўлимига сабаб бўлди
- Тошкентда 17 ёшли сартарош бир йигитни қайчи билан ўлдириб қўйди
- Тошкентдаги «Чорсу» бозорида 8 йил аввал йўқолиб қолган 17 яшар қиз ўгай отаси томонидан ўлдирилгани аниқланди
- Жиззахда қотиллик учун жазони ўтаётган маҳкум уйланди ва хотинини ваҳшийларча ўлдирди
Изоҳ (0)