Бухорода автомобиль олд ғилдирагининг чиқиб кетиши оқибатида юзага келган йўл-транспорт ҳодисаси оқибатида икки киши ҳалок бўлди. Бу ҳақда Тергов департаменти хабар берди.
Маълумотларга кўра, 10 август куни, тахминан, соат 15:30 ларда фуқаро У.Б. ишончнома асосида бошқарувида бўлган «Москвич» русумли автомашинани Ғиждувон тумани «Соҳибиён» МФЙ ҳудудидан ўтувчи ички йўл, яъни Соҳибиён қишлоғидан Шўрча қишлоғи томонга бошқариб кетаётган бўлган.
Автомашинанинг олд томон ғилдираги чиқиб кетиши оқибатида у бошқарувни йўқотиб ҳаракат йўналиши бўйича йўлнинг чап томонидаги ариққа ағдарилиб кетган. Натижада автомашинада йўловчилари 50 ёшли А.И. ва 44 ёшли Ғ.Р. ҳодиса содир бўлган жойда вафот этган.
Ҳозирда мазкур ҳолат юзасидан Ғиждувон тумани ИИО ФМБ ҳузуридаги Тергов бўлими томонидан терговга қадар текширув ҳаракатлари олиб борилмоқда.
Аввалроқ Жиззахда Lada Largus ҳамда Isuzu юк машинаси иштирокида содир бўлган ЙТҲ оқибатида енгил машинадаги икки нафар йўловчи вафот этгани тўғрисида хабар берилганди.
Мавзуга доир:
- Қашқадарёда «Камаз» ҳайдовчиси қишлоқ ҳудудидаги ички йўлда 7 ёшли қизчани уриб юборди. Қизалоқ воқеа жойида ҳалок бўлган
- Наманганда Matiz ҳайдовчиси велосипед бошқариб кетаётган фуқарони уриб юборди. Жабрланувчи шифохонада вафот этди
- Навоийда ҳайдовчилик гувоҳномаси бўлмаган фуқаро машинасида пиёдани уриб юборди. Жабрланувчи шифохонада вафот этди
Изоҳ (0)