Самарқанд вилоятининг Булунғур туманида яшовчи 33 ёшли фуқаро Р.С. бир кунда иккита автомобилни ўмарди. Бу ҳақда «Дарё»га Самарқанд вилояти ИИБ ахборот хизмати маълум қилди.
У 2020 йилнинг 4 август куни, тахминан, соат 21:00 да Булунғур туманининг «Бедана» маҳалласида яшовчи С.А.нинг ойнаси очиқ қолдирилган Damas’и эшигини очиб, машина салонида бўлган баҳоси 1 миллион 600 минг сўмлик Redmi-8 русумли телефон аппаратини ўғирлаган.
Бундан ташқари ўғри соат 22:30 да яна бир қаровсиз қолган Damas автомашинасини очиб, машина салонидан 100 минг сўм пул, автомашинани бошқаришга берилган ишончнома ҳамда суғурта полисларини ўғирлаган.
Ҳайдовчиларнинг аризаси асосида Булунғур туман ИИБ ходимлари томонидан олиб борилган тезкор-қидирув тадбирларида ўғриликларни туманнинг «Оқтош» маҳалласида яшовчи 1987 йилда туғилган Р.С. содир этгани аниқланган. Текширув давомида гумонланувчи шахснинг ёнидан бир дона Redmi-8 русумли телефон аппарати ва 100 минг сўм пул топилиб, холислар иштирокида ҳужжатлаштирилиб олинган.
Мазкур ҳолат юзасидан Булунғур туман ИИБ ҳузуридаги Тергов бўлими томонидан Жиноят кодексининг 169-моддаси (ўғрилик) 3-қисми «а» банди билан жиноят иши қўзғатилиб, тергов ҳаракатлари олиб борилмоқда.
Изоҳ (0)