Ўзбекистонда 11 август соат 10:00 ҳолатига кўра коронавирусга чалинганлар сони 241 кишига кўпайиб, жами касалланиш ҳолатлари сони расман 31 545 тага етди, дея хабар бермоқда Соғлиқни сақлаш вазирлиги.
Янги касалланиш ҳолатларининг
- 193 таси Тошкент шаҳрида,
- 21 таси Самарқанд вилоятида,
- 12 таси Сирдарё вилоятида,
- 8 таси Навоий вилоятида,
- 7 таси Тошкент вилоятида
11 август соат 10:00 ҳолатига кўра Ўзбекистонда 22 992 киши (жами касалланганларнинг 73 фоизи) коронавирусдан соғайган.
«Шу билан бирга, Юнусобод туманида яшаган 60 ёшли А.А. (эркак) ҳамда Олмазор туманида яшаган 60 ёшли А.М. (эркак), жами 2 нафар коронавирусга чалинган бемор вафот этди», — дейилади ССВ ахборотида. Шу тариқа, ССВ ҳисобига кўра, Ўзбекистонда коронавирус асоратларидан вафот этганлар сони 202 нафарга етди («Дарё» ҳисоби бўйича қурбонлар сони камида 211 нафар).
«Ҳозирда мамлакатимизда 8 351 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 1361 нафари оғир, 387 нафари эса ўта оғир аҳволда», — дейилади ССВ ахборотида. Яъни, айни вақтда даволанаётган беморларнинг 1748 нафари — 20,9 фоизи оғир аҳволда.
Таққослаш учун, 30 июль соат 10:00 ҳолатига кўра Ўзбекистонда 9 803 нафар бемор коронавирусдан даволанаётган эди (бу шу вақтгача эълон қилинган даволанаётганлар сони бўйича энг юқори кўрсаткич), шундан 537 нафари — 5,4 фоизи оғир аҳволда экани айтилган эди.
Изоҳ (0)