O‘zbekistonda 11-avgust soat 10:00 holatiga ko‘ra koronavirusga chalinganlar soni 241 kishiga ko‘payib, jami kasallanish holatlari soni rasman 31 545 taga yetdi, deya xabar bermoqda Sog‘liqni saqlash vazirligi.
Yangi kasallanish holatlarining
- 193 tasi Toshkent shahrida,
- 21 tasi Samarqand viloyatida,
- 12 tasi Sirdaryo viloyatida,
- 8 tasi Navoiy viloyatida,
- 7 tasi Toshkent viloyatida
11-avgust soat 10:00 holatiga ko‘ra O‘zbekistonda 22 992 kishi (jami kasallanganlarning 73 foizi) koronavirusdan sog‘aygan.
“Shu bilan birga, Yunusobod tumanida yashagan 60 yoshli A.A. (erkak) hamda Olmazor tumanida yashagan 60 yoshli A.M. (erkak), jami 2 nafar koronavirusga chalingan bemor vafot etdi”, — deyiladi SSV axborotida. Shu tariqa, SSV hisobiga ko‘ra, O‘zbekistonda koronavirus asoratlaridan vafot etganlar soni 202 nafarga yetdi (“Daryo” hisobi bo‘yicha qurbonlar soni kamida 211 nafar).
“Hozirda mamlakatimizda 8 351 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda. Ulardan 1361 nafari og‘ir, 387 nafari esa o‘ta og‘ir ahvolda”, — deyiladi SSV axborotida. Ya’ni, ayni vaqtda davolanayotgan bemorlarning 1748 nafari — 20,9 foizi og‘ir ahvolda.
Taqqoslash uchun, 30-iyul soat 10:00 holatiga ko‘ra O‘zbekistonda 9 803 nafar bemor koronavirusdan davolanayotgan edi (bu shu vaqtgacha e’lon qilingan davolanayotganlar soni bo‘yicha eng yuqori ko‘rsatkich), shundan 537 nafari — 5,4 foizi og‘ir ahvolda ekani aytilgan edi.
Izoh (0)