Тошкент шаҳри Олмазор тумани, «Шифокор» маҳалласида яшаган 26 ёшли Меҳрибону Искандарова қидирилаётгани тўғрисида хабар берилганди. Пойтахт ИИББ ахборот хизматининг маълум қилишича, аёл топилган.
«Яқинда қидируви эълон қилинган Меҳрибону Искандарова Тошкент шаҳар ИИББ ходимлари томонидан топилди. Унинг аҳволи яхши, хавотирга ўрин йўқ», — дейилади хабарда.
1994 йилда туғилган аёл 6 август, пайшанба куни, тахминан, соат 08:30 ларда уйидан чиқиб кетиб, қайтиб келмаган эди. Тошкент шаҳар ИИББ аёл қаердан топилгани ва у бунча вақт қаерда бўлгани тўғрисида маълумот бермаган.
Изоҳ (0)