Коронавирусга қарши курашиш штаби аъзоси Рустам Икромов Ўзбекистонда коронавирус вакцинасининг жорий этилиши юзасидан олиб борилаётган ишлар ҳақида маълумот берди.
«Бугунги кунда Россия ҳамда Хитой давлатларида ишлаб чиқарилган вакциналардан фойдаланиш ҳақидаги таклифлар ўрганиб чиқилмоқда. Бугун ҳам мана шу брифингдан олдин Хитой вакцинаси қўлланилиши бўйича видеоконференция ташкил қилинди ҳамда фикр алмашилди. Ушбу фикр алмашишлар ҳамда Россия вакцинасини қўллаш бўйича олиб борилаётган музокалар натижасига қараб вакцинани мамлакатда қўллаш даражаси ҳукуматга маълум қилинади.»Эслатиб ўтамиз, аввалроқ Коронавирусга қарши курашиш штаби аъзоси Барно Одилова ҳам аввалроқ коронавирус вакцинасининг Ўзбекистонга олиб келиниши ҳақидаги масалага аниқлик киритган бўлса, ЖССТ коронавирусга қарши вакцинация 2021 йилдан олдинроқ бошланмаслигини билдирган. Ўзбекистон Президенти Шавкат Мирзиёев эса 4 август куни ўтказган видеоселектор йиғилишида Бош вазир ўринбосари Беҳзод Мусаевга бир ҳафта муддатда етакчи олимлар ва тажрибали шифокорлар билан маслаҳатлашган ҳолда вакцинани харид қилиш ва Ўзбекистон аҳолиси вакцинациясини амалга ошириш йўлларини пухта ўрганиб чиқиш топшириғини берган эди.Коронавирусга қарши курашиш штаби аъзоси Рустам Икромов
Мавзуга доир:
- Шавкат Мирзиёев Алишер Усмоновнинг ёрдами ҳақида: «Коронавирусга қарши қаерда янги дори топилса, пулини тўлаб олиб келиб бераман, деди»
- Нурмат Отабеков: Вакциналар бугун-эрта тайёр бўлиб, қўлимиз етадиган жойда бўлади деган фикрни озгина унутиш керак
- Исроиллик олимлар Ўзбекистонда коронавирусга қарши дорининг клиник синовларини ўтказмоқчи
Изоҳ (0)