Футбол бўйича Хитой Суперлигасининг 3-турида «Шанхай СИПГ» 6 август, пайшанба куни «Синдао Ҳуанҳай» билан баҳс юритди.
Учрашувнинг дастлабки бўлимида дарвозалар дахлсиз қолди. Иккинчи бўлим ўрталарига яқин шанхайликлар ҳимоячиси Вей Чжен ўз жарима майдонида қўпол ўйнаб, майдондан четлатилди. Пенальтини эса Ван Дун аниқ бажариб, мезбонларни олдинга олиб чиқди.
Ўйин якунланиши арафасида меҳмонлар ҳам 11 метрлик жарима зарбаси ишлаб олди. Уни Оскар муваффақиятли амалга оширди ва жамоасини мағлубиятдан қутқариб қолди.
Мазкур ўйинда ўзбекистонлик ярим ҳимоячи Одил Аҳмедов 46-дақиқада захирадан майдонга туширилди.
Шу тариқа Шанхай клуби (7 очко) ушбу очко йўқотишдан сўнг В гуруҳи мусобақа жадвалида «Бейжин Гуан»ни (9) олдинга ўтказиб юборди.
Хитой Суперлигаси
3-тур баҳси
6 август, пайшанба
«Синдао Ҳуанҳай» — «Шанхай СИПГ» 1:1
Голлар: 1:0 – 71, пенальти Ван Дун, 1:1 – 88, пенальти Оскар.«Синдао Ҳуанҳай»: Лю Ченли, Яки Ян, Вукович, Ян Сзихао, Лю Сзяшен, Меметабдулла Эзимет, Ван Дун, Бали Маймайтиили (Гао Сян, 46), Ван Фей (Чу Сзянжун, 46), Алессандрини, Сзоу Чжен.
«Шанхай СИПГ»: Ян Сзюнлин, Фу Ҳуан, Ҳе Гуан, Чан Вей, Ван Шенчао, Вей Чжен, Лин Чуанъи (Одил Аҳмедов, 46), Арнаутович (Ли Шенлун, 65), Мирахметжан Музеппер, Оскар, Рикардо Лопес.
Огоҳлантиришлар: Сзоу Чжен (62), Оскар (74), Чу Сзянжун (85)
Четлатиш: Вей Чжен (65).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)