Англия Премьер Лигаси клублари 6 август куни 2020/21 йилги мавсумда VAR тизимидан фойдаланиш ва захира алмаштиришлар сони бўйича йиғилиш ўтказди.
Премьер Лига янги мавсумида учта захира алмаштириш тизимига қайтилади. Шу билан бирга захира ўриндиғидаги футболчилар сони етти нафардан ошмаслиги керак.
BBC Sport хабарига кўра, кўплаб клублар бешта захира алмаштириш қоидаси катта жамоалар учун фойдали деб ҳисоблаган ва бу қоиданинг 2020/21 йилги мавсумда амалда бўлишига қарши овоз берган.
Шунингдек, йиғилишда келаси мавсумда VAR тизимидан ФИФА протоколи асосида фойдаланиш бир овоздан маъқулланган.
Аввалроқ ФИФА ва IFAB коронавирус пандемияси сабаб жорий этилган бешта захира қоидасини 2020/21 йилги мавсумга қадар узайтирганди. Шу билан бирга ташкилот ушбу қоидаларни жорий қилиш масаласини миллий лигалар ихтиёрида қолдирган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)