Футбол бўйича Европа Лигаси мусобақасининг 1/8 финалидан ўрин олган бир қатор баҳслар 5 август, чоршанба куни бўлиб ўтди.
«Манчестер Юнайтед» 1/8 финалнинг жавоб баҳсида ЛАСКни қабул қилди. Учрашувнинг 55-дақиқасида Филипп Визингер узоқ масофадан аниқ зарба йўллаб мезбонлар дарвозасини ишғол қилди. Бироқ манкунианлар орадан икки дақиқа ўтиб Жесси Лингарднинг голи билан жавоб қайтарди. 88-дақиқада Антони Марсьяль «Юнайтед»га ғалаба келтирган гол муаллифига айланди.
Шу тариқа инглиз клуби икки ўйин натижасига кўра кейинги босқичга йўл олди. Мазкур жамоаларнинг дастлабки ўйини Оле-Гуннар Сульшер шогирдларининг 5:0 ҳисобидаги ғалабаси билан тугаган эди.
Яна бир ўйин «Интер» ва «Хетафе» жамоалари ўртасида кечди. Унда миланликлар Ромелу Лукаку ва Кристиан Эриксеннинг голлари эвазига ғалабани қўлга киритди.
Таъкидлаши жоиз мазкур жамоалар ўртасидаги 1/8 финалнинг илк учрашуви ўтказилмай қолганди. Шу сабаб УЕФА масала бир ўйинда ҳал бўлишини белгилаганди.
«Шахтёр» жавоб баҳсида ҳам «Вольфсбург»ни таслим этди ва чорак финал йўлланмасига эга чиқди. «Копенгаген» эса Туркия чемпиони «Истанбул Башакшеҳир»ни мусобақадан чиқариб юборди.
Чорак финалда «Манчестер Юнайтед» «Копенгаген» билан ўйнайди, «Интер» эса «Байер» — «Рейнжерс» учрашуви ғолиби билан куч синашади.
Европа Лигаси
1/8 финал баҳслари
5 август, чоршанба
«Интер» Италия — «Хетафе» Испания 2:0
Голлар: 1:0 – 33 Лукаку, 2:0 – 83 Эриксен.«Интер»: Ҳанданович, Д`Амброзио (Бираги, 84), Бастони, де Врей, Янг, Гальярдини, Брозович (Эриксен, 82), Барелла, Годин, Лукаку, Мартинес (Санчес, 70).
«Хетафе»: Сория, Кукурелья, Эчейта, Суарес, Ном (Жейсон, 69), Арамбарри (Дуро, 89), Тимор, Оливера (Портилё, 88), Максимович (Анхель Родригес, 56), Жене, Мата (Молина, 69).
Огоҳлантириш: Суарес (90).
«Манчестер Юнайтед» Англия — ЛАСК Австрия 2:1
Голлар: 0:1 – 55 Визингер, 1:1 – 57 Лингард, 2:1 – 88 Марсьяль.«Манчестер Юнайтед»: Ромеро, Байи, Фосу-Менса (Менжи, 84), Магуайр, Уильямс (Чонг, 72), Лингард (Погба, 63), Жеймс (Марсьяль, 84), Фред (Перейра, 64), Мата, Мактомини, Игало.
ЛАСК: Шлагер, Андраде (Филипович, 80), Траунер, Визингер (Забитцер, 73), Ранфтл, Ҳолланд, Михорл, Балич (Райтер, 66), Реннер, Фризер, Рагуж.
Огоҳлантиришлар: Михорл (34), Мактоминай (39).
Илк ўйин: 5:0
«Шахтёр» Украина — «Вольфсбург» Германия 3:0
Голлар: 1:0 – 89 Мораес, 2:0 – 90 Соломон, 3:0 – 90 Мораес.Илк ўйин: 2:1
«Копенгаген» Дания — «Истанбул Башакшеҳир» Туркия 3:0
Голлар: 1:0 – 4 Винд, 2:0 – 53, пенальти Винд, 3:0 – 62 Фалк.Илк ўйин: 0:1
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)