Ўзбекистон ҳудудида бўлиб турган хорижий мамлакатлар фуқароларининг виза муддати автоматик равишда 2020 йилнинг 1 ноябрь кунига қадар узайтирилди, дея хабар бермоқда Туризмни ривожлантириш қўмитаси.
Таъкидланишича, бунда уларга нисбатан ҳеч қандай чоралар кўрилмайди, жарима ундирилмайди. Республика махсус комиссиясининг 2020 йил 30 июлдаги қарорида шу ҳақида баён қилинди.
Эслатиб ўтамиз, Ўзбекистон ва хорижий давлатлар ўртасидаги авиа ва автомобиль қатновлари 2020 йилнинг 16 мартидан бошлаб 10 апрелига қадар вақтинчалик тўхтатилган. Кейинчалик ушбу муддат 1 июнгача, сўнг 1 августга қадар узайтирилган эди.
Қўмита ушбу масала бўйича қўшимча саволлар туғилган тақдирда, Ташқи ишлар вазирлиги тезкор штаби (+99871 2332828, +99897 1365151, Call -марказ – 1164, Telegram: +998971 365151)га ҳамда Туризмни ривожлантириш давлат қўмитасининг ишонч телефони (+99871 2000088)га мурожаат қилиш мумкинлигини таъкидлаган.
Изоҳ (0)