Тўлдириш: Telegram’даги каналларда Баҳроновнинг коронавирус инфекцияси асоратлари оқибатида вафот этгани ҳақида хабарлар тарқалган эди. «Gazeta.uz»нинг Бухоро вилояти ҳокимлиги матбуот хизматига таяниб хабар беришича, Баҳроновга ҳақиқатан ҳам коронавирус инфекцияси ташхиси қўйилган. Ушбу ўлим ҳолати юзасидан Ўзбекистон Соғлиқни сақлаш вазирлиги томонидан ахборот берилмаган.
Тоҳир Баҳронов 1959 йил 21 апрелда Бухоро шаҳрида таваллуд топган. У 1986 йилда Бухоро давлат педагогика институтини, 1996 йилда Санкт-Петербург фуқаро авиацияси академиясини (сиртдан) тугатган. Меҳнат фаолиятини 1976 йилда Бухоро сув хўжалиги бошқармаси киномеханиги ёрдамчиси сифатида бошлаб, Бухоро «ХАТП-11» автокорхонаси ҳайдовчиси (1977—1978), Бухоро авиаотрядининг ташиш бўлими диспетчери (1980—1982), Бухоро шаҳар авиа агентлиги бошлиғи (1982—1985), Бухоро аэропорти йўловчилар ташишни ташкил қилиш хизмати бошлиғи, директор ўринбосари (1985—1997) лавозимларида ишлаган.
У 1997 йилдан буён «Бухоро халқаро аэропорти» ДУК директори лавозимида ишлаб келаётганди. Шунингдек, Олий Мажлис депутати (1999—2004), Халқ депутатлари Бухоро вилояти кенгаши депутати (2014—2019), Олий Мажлис Сенати аъзоси (2014—2019) бўлган.
Бухоро вилояти ҳокимлиги Тоҳир Баҳроновнинг вафоти муносабати билан унинг оила аъзолари, яқинларига ҳамдардлик билдирган.
Аввалроқ Туризмни ривожлантириш давлат қўмитасининг биринчи раиси Анвар Шарапов, собиқ «Ўзбектуризм» компанияси раисининг биринчи ўринбосари лавозимида фаолият юритган Неъмат Абдуллаев вафот этгани тўғрисида хабар берилганди.
Изоҳ (0)