O‘zbekiston hududida bo‘lib turgan xorijiy mamlakatlar fuqarolarining viza muddati avtomatik ravishda 2020-yilning 1-noyabr kuniga qadar uzaytirildi, deya xabar bermoqda Turizmni rivojlantirish qo‘mitasi.
Ta’kidlanishicha, bunda ularga nisbatan hech qanday choralar ko‘rilmaydi, jarima undirilmaydi. Respublika maxsus komissiyasining 2020-yil 30-iyuldagi qarorida shu haqida bayon qilindi.
Eslatib o‘tamiz, O‘zbekiston va xorijiy davlatlar o‘rtasidagi avia va avtomobil qatnovlari 2020-yilning 16-martidan boshlab 10-apreliga qadar vaqtinchalik to‘xtatilgan. Keyinchalik ushbu muddat 1-iyungacha, so‘ng 1-avgustga qadar uzaytirilgan edi.
Qo‘mita ushbu masala bo‘yicha qo‘shimcha savollar tug‘ilgan taqdirda, Tashqi ishlar vazirligi tezkor shtabi (+99871 2332828, +99897 1365151, Call -markaz – 1164, Telegram: +998971 365151)ga hamda Turizmni rivojlantirish davlat qo‘mitasining ishonch telefoni (+99871 2000088)ga murojaat qilish mumkinligini ta’kidlagan.
Mavzuga doir:
Izoh (0)