Енгил вазн тоифасида UFC чемпиони Ҳабиб Нурмагомедов ўз Instagram саҳифасида навбатдаги машғулотидан сурат тақдим этди.
Эътиборлиси унинг либосида Ўзбекистон герби тасвирланган. Ҳабиб суратдаги гербнинг остида Ўзбекистон президентининг кенжа куёви Отабек Умаровнинг саҳифасини илова қилган.
«Саволлар ҳар доим бўлади, улар кам эмас. Энг асосийси уларнинг жавобини билишинг, пуч ҳаёллар миянгга ўрнашиб қолиши мумкин.
Жангга 80 кун қолди», — дея ёзади Ҳабиб сурат остидаги шарҳда.
Маълумот учун, Ҳабиб Ўрта Осиё ва Ўзбекистон MMA ассоциацияси президенти Отабек Умаров билан яқин дўст ҳисобланади. Россиялик яккакурашчи Ўзбекистон MMA ассоциацияси таклифи билан GFC 20 мусобақасининг фахрий меҳмони бўлганди.
Аввалроқ Криштиану Роналду Ўзбекистон MMA федерацияси рамзи туширилган либосда тушган суратини ўз Instagram саҳифасига жойлаганди.
Эслатиб ўтамиз, Нурмагомедов UFC 254 мусобақасида 24 октябрь куни Жастин Гэтжи билан жанг қилади.
Ҳабиб Нурмагомедов ва Жастин Жетжи иштирокидаги барча жанглар видеосини бу ерда томоша қилинг (видео).
Изоҳ (0)