«Мен босиб ўтган йўл ва унинг манзили ҳақида фақат орзу қилиш мумкин». Икер Касильяс футболчилик фаолиятини якунлагинини маълум қилди

«Реал» ва «Порту» клублари собиқ дарвозабони Икер Касильяс футболчилик фаолиятини якунлаганини маълум қилди.

«Босиб ўтган йўлинг ва сени атрофингдаги одамлар муҳим, унинг якуний манзили эмас. Чунки йўл меҳнат ва машаққатлар билан босиб ўтилади. Ҳеч қандай шубҳасиз шуни айта оламан, мен босиб ўтган йўл ва унинг манзили ҳақида фақат орзу қилиш мумкин», — дея ёзади Касильяс.

39 ёшли дарвозабон «Реал» академияси тарбияланувчиси ҳисобланади. У мадридликлар клубида 510 та ўйин ўтказган ва 2015 йилда у ерни тарк этган.

Икер «Реал» билан беш марта Испания чемпионатида, икки мамлакат Кубоги ва тўрт бор Испания Суперкубогида зафар қучган. Касильяс уч марта Чемпионлар Лигаси ғолибига айланган.

Испания терма жамоасида 2010 йилда Жаҳон Чемпионати олтин медалларига эга бўлган ва икки бор (2008 ва 2012 йиллар) Европа чемпионатида зафар қучган.

Эслатиб ўтамиз, дарвозабон 2019 йилнинг март ойида «Порту» машғулотида юрак хуружини бошдан кечирди. Икер футболчилик фаолиятини якунлаши ҳақидаги хабарлар қишда ҳам чиққанди. Аввалроқ Касильяс «Реал» президентига маслаҳатчи бўлиши хабар қилинганди.

«Реал Мадрид» афсонаси Икер Касильяс фаолиятидаги энг ёрқин сейвлар ва воқеалар (видео)