Habib Nurmagomedov O‘zbekiston gerbi aks etgan libosda mashg‘ulot o‘tkazmoqda (foto)

Yengil vazn toifasida UFC chempioni Habib Nurmagomedov o‘z Instagram sahifasida navbatdagi mashg‘ulotidan surat taqdim etdi.

E’tiborlisi uning libosida O‘zbekiston gerbi tasvirlangan. Habib suratdagi gerbning ostida O‘zbekiston prezidentining kenja kuyovi Otabek Umarovning sahifasini ilova qilgan.

“Savollar har doim bo‘ladi, ular kam emas. Eng asosiysi ularning javobini bilishing, puch hayollar miyangga o‘rnashib qolishi mumkin.

Jangga 80 kun qoldi”, — deya yozadi Habib surat ostidagi sharhda.

Ma’lumot uchun, Habib O‘rta Osiyo va O‘zbekiston MMA assotsiatsiyasi prezidenti Otabek Umarov bilan yaqin do‘st hisoblanadi. Rossiyalik yakkakurashchi O‘zbekiston MMA assotsiatsiyasi taklifi bilan GFC 20 musobaqasining faxriy mehmoni bo‘lgandi.

Avvalroq Krishtianu Ronaldu O‘zbekiston MMA federatsiyasi ramzi tushirilgan libosda tushgan suratini o‘z Instagram sahifasiga joylagandi.

Eslatib o‘tamiz, Nurmagomedov UFC 254 musobaqasida 24-oktabr kuni Jastin Getji bilan jang qiladi.

Habib Nurmagomedov va Jastin Jetji ishtirokidagi barcha janglar videosini bu yerda tomosha qiling (video).