«Тоттенҳэм» клубининг собиқ бош мураббийи Маурисио Почеттино фаолиятини Испания чемпионатида давом эттириши мумкин.
Daily Mail нашрининг хабар қилишича, «Барселона» ушбу ёзда Кике Сетьенни истеъфога чиқарадиган бўлса, аргентиналик мутахассисни олиб келиши мумкин.
Каталонлар клуби президенти Хосеп Бартомеунинг Почеттино билан муносабатлари аъло даражада. Сетьен кетадиган бўлса, Маурисио «Барселона» бош мураббийи бўлишга асосий даъвогарга айланади.
Таъкидланишича, «Барселона» Европа Чемпионлар Лигаси жорий мавсумида ғалаба қозона олмаса, испаниялик мутахассисга чиқиш эшиклари кўрсатилиши мумкин.
Аввалроқ Почеттино «Эспаньол»да ишлагани сабаб «Барселона» таклифини рад этганди. Бироқ «Эспаньол» келаси мавсум Сегундада ўйнайди, шу сабаб жамоалар Ла Лигада ўзаро тўқнаш келмайди. «Барселона»нинг Каталония дербисидаги рақиби «Эспаньол» Почеттинонинг футболчилик фаолиятидаги сўнгги жамоа бўлган. Шунингдек, мутахассис 2009—2012 йиллар мобайнида жамоани бошқарган.
Мавзуга доир:
Лионель Мессининг «Сантьяго Бернабеу»да «Реал»га урган энг қойилмақом голлари (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)