28 июль куни Straus House МЧЖ мансабдор шахсларига нисбатан суд жараёни ниҳоясига етгани хабар қилинган эди. Суд ҳукми билан жамият таъсисчиси И.Исроилов ва унинг жиноий шериклари Жиноят кодексининг тегишли моддалари билан турли муддатларга озодликдан маҳрум қилинди. «Kun.uz» жиноят иши бўйича етказилган зарар, жабрланувчилар сони ва ундирувнинг таъминланишига доир қўшимча маълумотларни тақдим этди.
Маълум бўлишича, туяқуш жўжалари билан боғлиқ мазкур жиноят иши доирасида 298 нафар фуқаро жабрланувчи деб топилган ва улар кўрган жами зарар миқдори 6 617 444 500 (олти миллиард олти юз ўн етти миллион тўрт юз қирқ тўрт минг беш юз) сўмни ташкил этган.
Жабр кўрганлар ҳудудлар кесимида қуйидагича кўриниш олган:
Жиноят иши доирасида хатланган:
- 265 000 000 сўмга баҳоланган, 2018 йилда ишлаб чиқарилган, Malibu-2 русумли автомашина;
- 107 571 961 сўмга баҳоланган, 2019 йилда ишлаб чиқарилган Lacetti русумли автомашина;
- 110 000 000 сўмга баҳоланган 2019 йилда ишлаб чиқарилган, Lacetti русумли автомашина;
- 107 571 961 сўмга баҳоланган 2019 йилда ишлаб чиқарилган, Lacetti русумли автомашина;
- 126 081 298 сўмга баҳоланган 2019 йилда ишлаб чиқарилган, Lacetti русумли автомашина;
- 60 902 497 сўмга баҳоланган 2019 йилда ишлаб чиқарилган Spark русумли автомашиналари ҳукм қонуний кучга кирганидан сўнг, жабрланувчиларга нисбатан етказилган зарарлар ўрнини қоплаш учун пропорционал равишда тақсимланади.
- 1 дона баҳоси 3 920 000 сўмлик;
- 1 дона баҳоси 2 807 000 сўмлик;
- 1 дона баҳоси 3 885 000 сўмлик (жами 3 дона) МakTaym русумли эркаклар қўл соатлари;
- 1 дона нархига аниқлик киритилмаган МаkTaym русумли эркаклар қўл соати ҳукм қонуний кучга кирганидан сўнг, Мажбурий ижро бюросининг Миробод туман бўлими томонидан баҳолатилиб, жабрланувчиларга нисбатан етказилган моддий зарарни қоплаш учун йўналтирилади.
Етказилган зарар И.Исроилов, А.Маҳмудалиев, Д.Қутпиддинов ва О.Саидовдан солидар тартибда ундирилади.
Ҳукм манфаатдор тарафлар томонидан апелляция тартибида шикоят киритилмаса, эълон қилинган кундан бошлаб ўн суткадан сўнг кучга кириши белгиланган.
Эслатиб ўтамиз, суд Straus House МЧЖ таъсисчиси И.Исроиловни 9 йил, МЧЖ директори А.Маҳмудалиевни 7 йил, директор ўринбосари Д.Қутпиддиновни 8 йил 5 ой 26 кун муддатга озодликдан маҳрум этди. МЧЖ бош ҳисобчиси О.Саидовга 5 йил муддатга озодликни чеклаш жазоси тайинланди.
Изоҳ (0)