28-iyul kuni Straus House MChJ mansabdor shaxslariga nisbatan sud jarayoni nihoyasiga yetgani xabar qilingan edi. Sud hukmi bilan jamiyat ta’sischisi I.Isroilov va uning jinoiy sheriklari Jinoyat kodeksining tegishli moddalari bilan turli muddatlarga ozodlikdan mahrum qilindi. “Kun.uz” jinoyat ishi bo‘yicha yetkazilgan zarar, jabrlanuvchilar soni va undiruvning ta’minlanishiga doir qo‘shimcha ma’lumotlarni taqdim etdi.
Ma’lum bo‘lishicha, tuyaqush jo‘jalari bilan bog‘liq mazkur jinoyat ishi doirasida 298 nafar fuqaro jabrlanuvchi deb topilgan va ular ko‘rgan jami zarar miqdori 6 617 444 500 (olti milliard olti yuz o‘n yetti million to‘rt yuz qirq to‘rt ming besh yuz) so‘mni tashkil etgan.
Jabr ko‘rganlar hududlar kesimida quyidagicha ko‘rinish olgan:
Jinoyat ishi doirasida xatlangan:
- 265 000 000 so‘mga baholangan, 2018-yilda ishlab chiqarilgan, Malibu-2 rusumli avtomashina;
- 107 571 961 so‘mga baholangan, 2019-yilda ishlab chiqarilgan Lacetti rusumli avtomashina;
- 110 000 000 so‘mga baholangan 2019-yilda ishlab chiqarilgan, Lacetti rusumli avtomashina;
- 107 571 961 so‘mga baholangan 2019-yilda ishlab chiqarilgan, Lacetti rusumli avtomashina;
- 126 081 298 so‘mga baholangan 2019-yilda ishlab chiqarilgan, Lacetti rusumli avtomashina;
- 60 902 497 so‘mga baholangan 2019-yilda ishlab chiqarilgan Spark rusumli avtomashinalari hukm qonuniy kuchga kirganidan so‘ng, jabrlanuvchilarga nisbatan yetkazilgan zararlar o‘rnini qoplash uchun proporsional ravishda taqsimlanadi.
- 1 dona bahosi 3 920 000 so‘mlik;
- 1 dona bahosi 2 807 000 so‘mlik;
- 1 dona bahosi 3 885 000 so‘mlik (jami 3 dona) MakTaym rusumli erkaklar qo‘l soatlari;
- 1 dona narxiga aniqlik kiritilmagan MakTaym rusumli erkaklar qo‘l soati hukm qonuniy kuchga kirganidan so‘ng, Majburiy ijro byurosining Mirobod tuman bo‘limi tomonidan baholatilib, jabrlanuvchilarga nisbatan yetkazilgan moddiy zararni qoplash uchun yo‘naltiriladi.
Yetkazilgan zarar I.Isroilov, A.Mahmudaliyev, D.Qutpiddinov va O.Saidovdan solidar tartibda undiriladi.
Hukm manfaatdor taraflar tomonidan apellyatsiya tartibida shikoyat kiritilmasa, e’lon qilingan kundan boshlab o‘n sutkadan so‘ng kuchga kirishi belgilangan.
Eslatib o‘tamiz, sud Straus House MChJ ta’sischisi I.Isroilovni 9 yil, MChJ direktori A.Mahmudaliyevni 7 yil, direktor o‘rinbosari D.Qutpiddinovni 8 yil 5 oy 26 kun muddatga ozodlikdan mahrum etdi. MChJ bosh hisobchisi O.Saidovga 5 yil muddatga ozodlikni cheklash jazosi tayinlandi.
Izoh (0)